أكد المهندس سهم الطراونة مدير وحدة شؤون البريد في هيئة تنظيم قطاع الاتصالات سهم الطراونة أن شركات توصيل الطلبات ستبقى عاملة لحين تعديل ....
أكد المهندس سهم الطراونة مدير وحدة شؤون البريد في هيئة تنظيم قطاع الاتصالات سهم الطراونة أن شركات توصيل الطلبات ستبقى عاملة لحين تعديل التشريعات ولن يتم اغلاق اي شركة.
وأضاف الطراونة خلال استضافته عبر برنامج نبض البلد على شاشة رؤيا ان ترخيص شركات توصيل الطلبات بأتي حماية للشركة نفسها وحماية للمواطنين، مؤكدا ان هيئة تنظيم الاتصالات وعدت الشابان ايهم وحسن بحل مشكلتهم.
زوحول جدل اغلاق الشركة بالشمع الأحمر قال الطراونة: "اذا موظف هيئة تنظيم الاتصالات قال بأن المشروع سيغلق بالشمع الاحمر فأنا سأعتذر لهم".
من جهته قال المهندس حسين التبني صاحب شركة توصيل إنهم لا يملكون القدرة على دفه المبلغ المالي المطلوب منهم من اجل الترخيص، مؤكدا انهم لم يصلوا إلى نتيجة نهائية مع الهيئة.
اقرأ أيضاً : أيهم قندح يسرد تفاصيل "كسر الحكومة مجاديف" الشباب الأردني - فيديو
وأضاف: " لا نريد مقارتنا مع شركات التوصيل الكبيرة التي تسطيع دفع مبالغ كبيرة".
الشاب أيهم قندح صاحب شركة توصيل قال إنهم تلقوا اتصالا من هيئة تنظيم الاتصالات يطالبنا بالترخيص، مشيرا الى ان الترخيص يرتب عليهم التزامات مالية لا يقدرون عليها.
وكان أردنيون عبر مواقع التواصل الاجتماعي، قد تداولوا منشورا للشاب الأردني أيهم قندح، يتحدث فيه عن معاناته ومعاناة الشباب الأردني، الذين تحدوا البطالة وثقافة العيب، ولكنهم تفاجأوا بـ"البيروقراطية الحكومية" والتعليمات والتعقيدات، التي وصفوها بـ"المحبطة وتدفع بهم للعودة إلى البطالة والعوز".
منشور الشاب قندح، كان لافتا فيه كمية نقد للحكومة ومؤسساتها، خاصة أن النقد جاء بأسلوب ولغة عامية لاذعة.
وتاليا نص المنشور الذي كتبه أيهم قندح:
"لما بلشت مشروعي كلكو بتتذكرو كنت اشتغل على بسكليت... كل مشروعي ما كلف 150 دينار... وعشان انا بحب القانون وماشي مع القانون وعشان احس حالي صاحب مشروع رحت سجلت مشروع بالصناعة والتجارة... سألوني شو مشروعك قلتلهم خدمة توصيل... حكولي ما في بند عنا بيغطي هيك خدمة... شو رايك نسجلك (خدمات لوجستية مناولة وامداد وتخزين ونقل)... اسم طويل عريض ما الو دخل بشغلي... قلنا ماشي... سجلنا ورخصنا وبلشنا شغل.
والحمد لله بتتذكرو كم موقع وكم جريدة وكم محطة حكو عني وعن مشروعي... شاب يرفض ثقافة العيب ويبدأ مشروع... توصيلة على بسكليت... ايهم قندح الخ الخ الخ...
ومشروعي اخذ كذا جائزة كمشروع ريادي ابداعي.... سيدي ومولاي جلالة الملك التقاني وشد على ايدي وشجعني.. كل هاد كان يقوي عزيمتي وبلشنا نكبر شوي شوي وصرنا كم شب بيحاول يشتغل ويطلع مصروفو واشي بيدرس وبيشتغل واشي بيصرف على امو المريضة..... ونقول الحمد لله عل كل شي.
فش بعد كم شهر بترن علي اشي اسمو هيئة تنظيم قطاع الاتصالات... قال مشروعك بدو ترخيص من عنا... رسوم سنوية 1200 دينار... ول ليش؟؟؟ قال انت بتشتغل زي خدمة البريد... ولكو يا عمي بريد شو... انا شغال اوصل سندويشة شاورما... شوية خضرة... طير جاج... علبة دوا.... قالوا وقف وقف وقف ممنوع توصل اكل ولا دوا هاي الشغلة بدها كمان ترخيص من الغذاء والدواء... لا وشو بتدخل على تعليمات البريد قال بدك وصل استلام وتسليم لكل ساندويش شاورما وتواقيع واحتفاظ بسجلات وتزويد الهيئة بتقارير وقصص الها اول ما الها اخر... عشان شو مش فاهم.
رجعنا دخلنا على اشي اسمو الموافقات المسبقة على موقع وزارة الصناعة والتجارة... ما لقينا انو بدها موافقات مسبقة.
طيب هو احنا بنضرب بالرمل يعني... انا لو بعرف هيك مشروعي هلقد مهم وخطير كان ما بلشت في اصلا. شو 1200 دينار بالسنة متخيل انت طلب بوخد عليه نص دينار بدي كل يوم 7 طلبات عشان بس رسوم ترخيص الهيئة... هاد بدون إبجار ولا مصاريف ولا شي لسا
رجعنا نراجع ونعترض لا حياة لمن تنادي او على قول جدتي لا حياة لمنتولاتو ( اللي لحق المنتولاتو بيعرف شو هو) بعثنا فاكسات ايميلات شكاوى من عند رئاسة الوزراء ونازل وما حد حكا معانا ولا فهمنا شو القصة.
اقرأ أيضاً : بالفيديو.. أمطار الخير تهطل على الأردن
اليوم يا سادة يا كرام بترن علي الهيئة وبتخبرني انو علي رسوم ترخيص ثلاث او اربع او خمس سنوات... المبلغ 10 الاف دينار غير الغرامات... وحكولي احنا عارفين عن كل الشركات الثانية والدور جاي عليكو واحد واحد... احنا جايين الاحد نسكر مؤسستك بالشمع الاحمر..
بدكو شباب يشتغل حكيتولي.؟ .. بدكو مشاريع رائدة؟ .... بدكو الشباب يصرف على حالو؟ بدكو نظل نحب هالبلد؟ بدكو ننظر بعين الأمل للمستقبل؟ بدكو نبتعد عن المخدرات والابصر شو؟ بالله عليكو... بالله عليكو احنا شباب شغالين على مستوى دينار وايام ما بنطلع مصروفنا ما انتو شايفين وعارفين... بنشتغل بعز الشوب.. بنشتغل بعز المطر والبرد... معقول الله قالها ندفع 1200 نيرة لهيئة مش عارفين شو دورها بالموضوع.... اذا التعليمات والقوانين هاي انحطت قبل ما يكون في اشي اسمو خدمة توصيل... يا عالم عدلو التعليمات... عدلو الانظمة.. خليكو متابعين للتطور.. ما انتو هيئة اسمكو لحالو بيخوف.. واللا اذا ما اخذتو منا 1200 دينار رواتبكو بتتأثر؟
المهم يا سادة يا كرام اذا تسكر مشروعي انا اعلن وبكل بساطة اني رح اقعد اشحد ورح ابعثلكو لوكيشن وين بكون اشحد وخلي فرقة مكافحة التسول يعتقلوني بس مش يطلعو يقولو عندو سكوتر باسمو وسجل تجاري.. ترا انا من وراهن رح اصير اشحد مش من ورا شي تاني.
آآآخ يا بلد..
حد يحكي مع قتيبه ياخدني معو ... مشان الله هجرة ... بديش اضل ثانية بالبلد
بحكي وببكي من وجعي صدقوني
صاحب اول مشروع توصيل فيكي يا مفرق"
