الجالية العربية في واشنطن: "نقف مع المعتقلين الفلسطينيين في سجون الاحتلال"- فيديو

نظم أبناء الجالية الفلسطينية والعربية، تظاهرة أمام مبنى السفارة الإسرائيلية في واشنطن، وعبر المتظاهرون عن تضامنهم من المعتقلين الفلسطينيين الفارين من سجن جلبوع الإسرائيلي، عبر حملهم بالملاعق التي باتت رمزاً كأداة للفرار من السجون، وطالب المتظاهرون بالكشف عن مصير المعتقلين في السجون الإسرائيلية والإفراج عنهم.

اقرأ أيضاً : وقفة في قطاع غزة دعماً واسناداً للأسيرة الفلسطينية إسراء جعابيص

وقال أحد المشاركين بالمظاهرة: "طبعا نعرف أنه في ست سجناء هربوا من السجن في إسرائيل بطريقة المعالق، وقبضوا عليه أربعة منهم وبقي اثنين بعدهن حرين، وطبعًا هذا طبعا هذه مأساة أنه قبضوا على الأربعة، لأن كنا عم نحتفل بحرية السجناء الآخرين، ولكن كمان هذه فرصة لنلفت النظر إلى السجناء الموجودين الآن في فلسطين، ونلفت نظر مش بس يعني للعالم العربي طبعًا بس للعالم الأمريكي هون، لأن في سجناء هونيك كلن الموجودين هم سجناء سياسيين".

فيما قالت إحدى المشاركات: "نحن هون جينا لحتى نفرجي العالم ونذكر العالم باللي عم يصير بفلسطين المحتلة، فلسطين المحتلة من 1948 والعالم كله متواطئ وساكت وبتفرج على الظلم اللي عم بصير فيها، الفلسطينيين اللي عم برفضوا الاحتلال، مجرد إنهم خرجوا من بيوتهم أو رفضوا ظلم أو رفضوا صار أو رفضوا منع تجول عم يعتقلوا وبنحكم عليهم مؤبدات، البلد الوحيدة بالعالم اللي بتحكم بأكثر من مؤبد هي الاحتلال الصهيوني، نحن اليوم جينا مشان الستة الأبطال اللي رسموا أسطورة بملعقة، ملعقة العالم تستخدمها لملئ بطونها هن استخدموها لرسم هي اللوحة، لرسم هي الأسطورة أسطورة البطولة، اللي بهدلوا الاحتلال الصهيوني اللي بظن نفسه أنه هو أقوى جيش وأقوى دولة، لكن سبحان الله هني الله معهم المظلوم الله معه وهن رجعوهم نعم هن مسكوا بعضهم لكن هذا ما بنفي أنه هنن أبطال، ولا بنفي أنه هن مرمغوا اسمهم بالأرض، فلسطين رح ترجع هلأ بعدين يمكن ونحن عايشين يمكن ونحن ميتين لكن الظلم لا يدوم، الظلم لا يطول وهن بس قالوا متل ما قال أبو القاسم الشابي ومن لا يحب صعودا الجبال يمت أبد الدهر بين الحفر".

متظاهرة أخرى قالت: "نحن عايشين بها اتساع وبهالمساحة هي حاسين حالنا سجن كبير، حاسة حالتي بسجن لأني أنا مش في وطني مش في بلدي كيف اللي عايش في سجن للاحتلال عم بتعذب وبنهان يوميًا، نحن شعب إن عشت فعش حرًا أو مت كالاشجار وقوفًا، وسنبقى نقاوم وفي آخر نبض في عروقنا سنقاوم سنقاوم ولن نستسلم".

وقالت إحدى المشاركات: "نحن جايين اليوم عشان إسرائيل حبسوا كثير من الفلسطينيين في سجونهم، وجايين هون المظاهرات عشان ضد الحكومة الإسرائيلية والحكومة الأمريكية، لأنهم مشتركين مع بعض عشان يحبسوا الفلسطينيين، وكتير من الناس هون في أمريكا كمان اللي هم بكونوا السود، ولا نحن جايين هون عشان مظاهرات عشان هي الشغلة، نحن ضد السجون اللي في كل بلاد، نحن ضد الناس اللي مسؤولين متحكمين في كل الناس في كل بلاد، إنهم هم المفروض اللي بيكونوا مسجونين مش نحن، جايين هون اليوم لسبب فلسطين وأنا جاية عشاني أنا فلسطينية، فعشان هيك جاي مظاهرات اليوم".