كشفت الفنانة المصرية، منى زكي عن موقف والدها لحظة عقد قرانها على النجم أحمد حلمى، وفي حفل زفافها، مؤكدة أنه حاول أن يفسد الفرح بنفس طريقة النجم عادل ....
كشفت الفنانة المصرية، منى زكي عن موقف والدها لحظة عقد قرانها على النجم أحمد حلمى، وفي حفل زفافها، مؤكدة أنه حاول أن يفسد الفرح بنفس طريقة النجم عادل إمام في فيلم "عريس من جهة أمنية"، ولكنها استعانت بجدتها لإنقاذ الموقف، كما تحدثت عن كواليس قصة الحب مع حلمي، والدروس المستفادة من تجربتها كسفيرة للنوايا الحسنة لليونيسيف.
اقرأ أيضاً : أحمد حلمي يطلب تعليقا من متابعيه على صورة مع كريم عبد العزيز
منى فتحت خزانة أسرارها وذكرياتها في الحلقة الأولى من الموسم الجديد لبرنامج "صاحبة السعادة" مع النجمة إسعاد يونس، وقالت عن ذكريات حفل زفافها: أنا فاكرة يوم الفرح، خالتي جايه ورا بابا وبتقوله لما توصل لأحمد إديله منى عادي، ويوم كتب الكتاب الجوازة كانت هتبوظ وبابا اختلق قصة عشان كل حاجة تبوظ زي عادل إمام في فيلم عريس من جهة أمنية وكلمت جدتي عشان تكلم بابا ويهدي الدنيا".
وأضافت منى زكي: بعد الزواج أنا كنت بشوف أحمد بيتعلم من بابا، وحماتي أنا من أول ما شوفتها وإحنا حبايب وبابا أحمد الله يرحمه كان زي العسل، وأنا مكنتش مقررة ولا أتجوز ولا أخلف بس جبت بنتي وأنا عندى 24 سنة، وجبت آخر أولادي وأنا عندى 40 سنة وأنا كبيرة طريقة التربية اتغيرت ودلوقتي عاوزه كل اللى أعمله أحبهم وأديهم حب واهتمام وأوقات ليها معنى.
وكشفت منى، كواليس بداية علاقتها بزوجها أحمد حلمي، مؤكدة أنه في بداية رؤيتها له قالت إنه "رخم"، ولكن سرعان ما أحبته.
وأضافت قائلة : كنت في مرة فى مكتب المنتج محمد فوزي، وكنا هنعمل مسرحية بطولة عامر منيب، وقاللي إن في دور عنده بيفكر يجيب فيه أحمد حلمي وكان وقتها بيعمل برنامج لعب عيال، وأنا كنت بتابع البرنامج ده بس مكنتش عارفة وشه لأنه بيظهر بضهره.
وتابعت: قلت للمنتج محمد فوزي يا ريت ده حد لذيذ أوي، وأنا بيني وبين نفسي عاوزة أشوف وشه، ولما جه المكتب سلم بطريقة غريبة كده، وبعدين جاله تليفون وأنا ومحمد فوزي دخلنا البلكونة بنتكلم وقلتله لا ده طلع رخم أوي ومش لذيذ زي البرنامج، وقلتله جربه أنا مش عارفة، ووقتها كنت بقول عليه انه رخم أوي على الحقيقة.
اقرأ أيضاً : منى زكي تكافح لإنهاء زواجها وبدء حياة جديدة في مسلسل "لعبة نيوتن"
وأضافت: بدأنا بروفات وبدأت أشوفه لذيذ، وهو تقريبا حس إنى هامشي من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا، وعرَّفته كمان على أصحابي المقربين، وهو حاول كتير يلفت نظري في أكتر من موقف ولكن أنا ولا أي حاجة بتتهز جوايا، يمكن لأن حب والدي الرهيب واهتمامه بيا والعطاء اللي عمله ليا خلاني مش أي حركة شاب يعملها أنه يأثر فيا لأنى واخدة حب كبير أوي من والدي.
وأضافت: في مرة سألنى عيد ميلادى امتى وسألته ليه، فقالي عادى فقلتله، فقالي ايه ده وأنا كمان نفس يوم 18 نوفمبر، وأنا بينى وبين نفسى إيه الجوا القديم ده ومكنتش مصدقاه، بس طلع صادق فعلا وطلع نفس يوم ميلادي، وقالى بحبك وسيبته وروحت مع أصحابى، ولما سافرت فضل الموضوع فى بالي.
وواصلت حديثها قائلة: بدأت أراجع صفات كتير في أحمد حلمي ولقيت عنده نبل وعمري ما شفت فنان بالشكل ده عنده رقي وطيبة في التعامل مش عادى، وعنده تسامح يفوق أى حد قابلته، فشفت إنه شخص من جوا حاجة جميلة جدا ومثقف جدا ومتفتح، ولقيت نفسي بعد كده مش هقدر أعيش من غيره، وكل لما نتكلم أكتر يبدأ حاجات تنمو جوايا تجاهه.
