"صرخات أحلام" تتصدر "تويتر الأردن" إثر جريمة قتل شابة على يد والدها

تفاعل الأردنيون، مع وسم "صرخات أحلام"، إذ تصدر موقع التواصل الاجتماعي تويتر على نطاق المملكة، للحديث عن شابة تعرضت لأبشع تعنيف أسرى، بإحدى مناطق المملكة.

اقرأ أيضاً : الأمن: أب يقتل ابنته بأداة راضة في عين الباشا

والله العظيم الدولة الأردنية كلها لازم ما تنام بعد هالفيديو وين حقوق الانسان قبل حقوق المرأة ! حسبي الله بكل ظالم وابن حرام بقدر يقتل حدا ضعيف ومش قادر يدافع عن حاله بس فعلا عتبي عالجيران قبل أهلها والله! بتصور وما قدرت تعمل اشيي؟ الله لايسامحكم من كل قلبي والله ! #صرخات_احلام pic.twitter.com/yv7yDkrIyG

— سامِ. (@AburabeeSami) July 18, 2020

في ناس حرام يكونوا أهل، حرام يعيشوا، يا أخي كيف بهونلك؟ صوت صراخها ما كسر قلبك؟ ما بتخاف من رب العباد بعد موتك؟ يا أخي بنتك ... لحمك ودمك؟ المفروض أنت الأمان، أنت الصون، أنت سندها وأبوها، بتحاول تذبحها؟ ولا بتشهم راسها حتى تموت؟! يا رب يتهشم راسك مثلها وتتعذب ..

#صرخات_احلام

— Amr Amr | عمرو عمرو (@4amramr) July 18, 2020

وتداول ناشطون مقطع فيديو تم تصويره في ساعة متأخرة من الليل ويسمع من خلاله صرخات الشابة أحلام، التي قال ناشطون إن والدها شرب الشاي بجانب جثتها عقب قتله لها بحجة "شرف العائلة".

كم من حالة مشابهة لأحلام رح يصير فيها مثل أحلام بيوم من الأيام بس لأنه في كثير ثغرات بقوانين حماية الأفراد بالمجتمع .. بنطالب بحق أحلام وتغيير نهج حماية الأسرة اللي كان له دور بموت أحلام وما قدر يحميها من ظلم أهلها #صرخات_احلام

— معاذ عدوان (@AdwaanM) July 18, 2020

وبحسب ما تداوله ناشطون فإن "أحلام شابة أردنية عمرها بالثلاثينات عانت من تعنيف أسري مستمر من قبل أهلها".

#صرخات_احلام pic.twitter.com/P5n0ywOxZy

— نوره الطهراوي?? (@noura_tahrawi55) July 18, 2020

ورغم لجوء المجني عليها للأجهزة المختصة، كان يتم توقيع عائلتها على تعهد خطي ومن ثم يعود التعنيف على الضحية من جديد.

#صرخات_احلام
القصة بتخوف بشكل كبير لدرجة انو ابوها الي قتلها واخوانها معه لدرجة ما بنعرف 30 سنة الي عاشتهم او اكثر كيف كانو لدرجة تروح تستنجد بحماية الاسرة ما بنعرف شو شافت أو كمية الرعب الي كانت عايشته ولكم الله يأخذ كل واحد هيك عقله والله يكون مع البنات الي بالوطن العربي .

— ⧖ (@bad_dark93) July 18, 2020

وقال شهود عيان إنه في تمام الساعة التاسعة مساء، سمع جيران الشابة أحلام صراخها وكان تركض في الشارع والدماء تسيل من رقبتها.

بتقوم على خبر بسد النفس زي سببه
الحيوانات ارحم باطفالها من هالوحش
حسبي الله ونعم الوكيل فيه
صوتها و صوت صراخها بوجع القلب والله#صرخات_احلام pic.twitter.com/YxhmVE2HM2

— زيْن اسايمنت (@AlnawaflehZain) July 18, 2020

وكتبت ناشطة "تخيل ابوك يلي المفروض سندك وبحميك من الدنيا كلها يقتلك؟ واحد حيوان زي هيك المفروض ما يضل عايش ولا دقيقه وينقتل بنفس الاسلوب يلي قتلها فيه مشان يحس شو هي حست".

مافي مبرر للقتل مهما كان السبب الواحد اذا دعس قطة بالشارع وماتت يجلس اسابيع يأنبه ضميره وما يعرف ينام انه كان مسرع فما بالكم بأب يقتل ابنته بالشارع ويشرب بعدها شاي امام الجميع !!#صرخات_احلام

— مستر هيستيريا (@heseteria) July 18, 2020

وكتبت أخرى "من المؤسف أن يولد الإنسان في مُجتمعنا أُنثى".

#صرخات_احلام
كُل يوم ضحية جديدة في عالمنا العربي هل ننافس الغرب في القتل؟ أو هل ترغبون فالرجوع إلا الجاهلية ؟ نحنُ الأن عائشين في زمن الجاهلية الجديد بمنظور التكنولوجيا الحْرا والعالم الحْرا وكُل شي حْرا.

— ‏ً (@Legendaryi0) July 18, 2020

وكتبت ناشطة " كل مرة بطلع فيها قضية جديدة بصير دوشة لفترة وبتهدا الوضع بس ولا مرة سمعنا ايش صار باللي عملو هاي الجرائم وكيف تعاقبوا هاد ازا تعاقبوا طبعا".

من وانا صغيرة بامن انو ولا يمكن نوصل بالمستقبل للصورتنا اللي بعملوها بالافلام الانسان ممكن يتغير خارجيا لكن من جوا بيظل نفس الحد والهمجية والجشع والطمع وبيركض وراء شهواتو فقط
الناس حاقدة ولئيمة وبتتمناش الخير والنجاح لحدا وحيظل دايما عندها نزعة القتل والشهوات الغالبية العظمى+

— Najwa01 (@Najwa0190100465) July 18, 2020

وأضافت "احنا بنحكي عن حد قتل انسان قتل بنتو قعد يشرب جمب جثتها شاي".

حتى بهاي بتوقعوا تعهدات و بتراهنوا على وعي المواطن؟ احنا متى بدنا نصير بني ادمين و عنا نظام غير توقيع التعهدات عالطالعة والنازلة؟ #صرخات_احلام

— داليا (@_dal95) July 18, 2020

وقال ناشط "القصة بتخوف بشكل كبير لدرجة انو ابوها الي قتلها واخوانها معه لدرجة ما بنعرف 30 سنة الي عاشتهم او اكثر كيف كانو لدرجة تروح تستنجد بحماية الاسرة ما بنعرف شو شافت أو كمية الرعب الي كانت عايشته ولكم الله يأخذ كل واحد هيك عقله والله يكون مع البنات الي بالوطن العربي".